براہ کرم پہلے مطلوبہ لفظ درج کریں
سرچ
کی طرف سے تلاش کریں :
علماء کا نام
حوزات علمیہ
خبریں
ویڈیو
15 شَوّال 1445
ulamaehin.in website logo
سید حامد حسین عشروی ره

سید حامد حسین عشروی ره

Syed Hamid Hussain Ushrawi

ولادت
1314 ه.ق
عُشری خُرد
وفات
11 شعبان 1410 ه.ق
گونڈہ
والد کا نام : سید غلام حسنین
تدفین کی جگہ : گونڈہ
شیئر کریں
ترمیم
کامنٹ
پیدائش
1314 ه.ق
سلطان المدارس میں تعلیم
1329 ه.ق
مدرسہ عالیہ رامپور میں داخلہ
1333 ه.ق
پنجاب یونیورسیٹی سے مولوی فاضل اور منشی فاضل کی سند حاصل کرنا
1339 ه.ق
یوپی گورمنٹ کے شعبہ تعلیم میں ملازمت شر
1341 ه.ق
گونڈہ میں تبلیغی خدمات
1346 ه.ق
حج و زیارات سے مشرف ہونا
1349 ه.ق
وفات
1410 ه.ق
سوانح حیات
قومی خدمات
وفات
تصاویر

سوانح حیات

مولانا سید حامد حسین عشروی ابن سید غلام حسنین صاحب موضع عشری خرد (ضلع سیوان) کے رہنے والے تھے ۔ اور اگرچہ بعد میں انہوں نے گونڈہ اور بہرائچ کو اپنا وطن بنا لیا تھا لیکن اپنے نام کے ساتھ ہمیشہ عشروی لکھتے تھے ۔

والدین کے سایہ سے کمسنی ہی میں محروم ہوگئے تھے ۔ آپ کے بڑے بھائی حکیم سید محمد بشیر صاحب (صدرالافاضل) اور چھوٹے بھائی مولانا سید اظہار الحسنین صاحب (صدرالافاضل) تھے ۔ والدین کی وفات کے بعد چچا اور چچی نے ان تینوں بھائیوں کی اس شفقت اور محبت سے پرورش کی جس کی مثال بہت کم ملتی ہے ۔

مولانا کی ابتدائی تعلیم اپنے بڑے بھائی سے حاصل کرنے کے بعد کھجوہ گئے جہاں مولانا سید محمد نقی صاحب سے عربی صرف و نحو اور منطق کی ابتدائی کتابیں پڑھیں ۔ اس کے بعد سنہ 1911  سے 1914 تک سلطان المدارس میں رہے۔ حالات نے ساتھ نہ دیا تو سنہ 1915 میں مدرسہ عالیہ رامپور میں داخلہ لیا ۔ وہیں سے 1919 میں درس نظامی کی اعلی سند لی ۔ 1920 میں وہیں رہ کر پنجاب یونیورسیٹی سے مولوی فاضل اور 1921 میں منشی فاضل کی سند حاصل کیں ۔

سنہ 1922 میں یوپی گورمنٹ کے شعبہ تعلیم میں ملازمت شروع کی اور ایٹہ کے گورمنٹ ہائی اسکول میں عربی و فارسی کے استاد مقرر ہوئے ۔ پانچ سال بعد گونڈہ پہنچے جہاں تقریباً بیس سال قیام رہا ۔  اس عرصہ میں گونڈہ میں اپنی جد و جہد سے ایک نہایر خوبصورت امام باڑہ بنوایا جس کا نام حسینیہ اتحاد المومنین رکھا ۔

گونڈہ سے دیوریا ٹرانسفر ہوا جہاں چھ سال رہے اور پھر بہرائچ بھیجے گئے ۔ بہرائچ میں محلہ سید واڑہ کے حسینیہ قزلباش کو کسٹوڈین کے قبضے سے واگذار کرایا۔ اور کربلا اور اس کی بیش قیمت اراضی جو غاصبوں کے قبضے میں تھی اور عمارت تباہ ہوچکی تھی اس کو ان لوگوں کے قبضے سے نکال کر از سر نو تعمیر کرایا اور مومنین کے حوالے کردیا ۔ بہرائچ میں تیرہ سال فرائض منصبی انجام دینے کے بعد 2 اپریل 1962 کو ریٹائرڈ ہوئے ۔ دوران تعلیم خصوصیت سے سرکار باقر العلوم اور سرکار ظہیر الملۃ کی سرپرستی حاصل رہی اور سرکار ناصر الملۃ اور سرکار نجم العلماء بھی بہت محبت فرماتے تھے ۔

حج و زیارات

سنہ 1930 اور 1933 میں اور اس کے بعد تیسری بار عتبات عالیات کی زیارتیں کیں۔ اور دو بار حج سے بھی مشرف ہوئے ۔

 

شادی اور اولاد

آپ نے دو شادیاں کیں ۔ آپ نے آٹھ لڑکے اور تین لڑکیاں یادگار چھوڑیں ۔

مزید دیکھیں

قومی خدمات

مولانا حامد حسین عشروی کی پوری زندگی قومی خدمات کا ایک مرقع ہے ۔

انجمن وظیفہ سادات و مومنین

سنہ 1919 میں انہوں نے انجمن سے وظیفہ طلب کیا جو نہیں ملا ۔ آپ نے اسی طالب علمی کے دور میں سنہ 1920 میں انجمن کی ممبری قبول کی اور پوری زندگی انجمن کی ترقی کی کوششوں میں لگے رہے ۔

 

آل انڈیا شیعہ یتیم خانہ

یتیم خانہ کے سنہ آغاز یعنی 1912 سے ہمیشہ اس کے معین و مددگار رہے ۔ 1955 تک اس کی جنرل کمیٹی کے ممبر بھی رہے ۔ جہاں بھی جاتے انجمن وظیفہ سادات و مومنین کی رسید بک اور ممبری فارم نیز یتیم خانہ کی رسید بک ضرور ساتھ رکھتے اور ہر وقت ان دنوں اداروں کے لئے امداد حاصل کرنے کی کوششوں میں لگے رہتے ۔

ان دونوں اداروں کے علاوہ آپ آل انڈیا شیعہ کانفرنس کے سرگرم کا رکن تھے ۔ مدرسۃ الواعظین کی دو کمیٹیوں کے ممبر تھے ۔ امامیہ مشن کے رفیق کار اور تنظیم المکاتب کے دوامی ممبر تھے ۔ جوگی پورہ ، آگرہ اور دیگر تمام مشہور قومی اداروں سے وابستہ تھے ۔ 1928 سے 1942 تک انجمن عقد بیوگان کے سکریٹری رہے ۔

علمی خدمات

آپ کے مضامین اخبار اثنا عشری (دہلی ) ذوالفقار (لاہور) اخبار قرطاس ، اخبار اتحاد  (امروہہ ) اور زمانہ (کانپور) میں نکلتے رہے تھے ۔ اور دعا و اعمال کا ایک مجموعہ ’’ وظایف محمدیہ ‘‘ بھی ترتیب دیا تھا جو دو مرتبہ چھپ چکا ہے ۔

مزید دیکھیں

وفات

9 مارچ 1990 مطابق 11 شعبان 1410 کو رحلت فرمائی اور حسینیہ اتحاد المسلمین گونڈہ میں دفن ہوئے ۔ 

مزید دیکھیں
تصاویر
مولانا سید حامد حسین عشروی
.
مولانا سید حامد حسین عشروی
مولانا سید حامد حسین عشروی
.
زوم
ڈاؤن لوڈ
شیئر کریں
مولانا سید حامد حسین عشروی
دیگر علما
کامنٹ
اپنا کامنٹ نیچے باکس میں لکھیں
بھیجیں
نئے اخبار سے جلد مطلع ہونے کے لئے یہاں ممبر بنیں
سینڈ
براہ کرم پہلے اپنا ای میل درج کریں
ایک درست ای میل درج کریں
ای میل رجسٹر کرنے میں خرابی!
آپ کا ای میل پہلے ہی رجسٹر ہو چکا ہے!
آپ کا ای میل کامیابی کے ساتھ محفوظ ہو گیا ہے
ulamaehin.in website logo
ULAMAEHIND
علماۓ ہند ویب سائٹ، جو ادارہ مہدی مشن (MAHDI MISSION) کی فعالیتوں میں سے ایک ہے، علماۓ کرام کی تصاویر اور ویڈیوز کو پیش کرتے ہوۓ، ان حضرات کی خدمات کو متعارف کرواتی ہے۔ نیز، اس سائٹ کا ایک حصہ ہندوستانی مدارس اور کتب خانوں، علماء کی قبور کو متعارف کروانے سے مخصوص ہے۔
Copy Rights 2024