ابوالخلیل مولانا سید راحت حسین رضوی ابن مولوی سید محمد ابراہیم صاحب بھیک پور ضلع سارن کے زمیندار تھے ۔ مولانا راحت حسین صاحب یکم محرم 1306 ھ کو اپنے وطن میں پیدا ہوئے اور غلام زین العابدین تاریخی نام رکھا گیا ۔ تین سال بعد یتیم ہوگئے ۔ لیکن مولوی سید بشارت علی صاحب نے ابتدائی تعلیم دی ۔ آپ کے خالو سید محمد مہدی صاحب بھیک پوری نے عربی تعلیم دی ۔ اس کے بعد مدرسہ سلیمانیہ پٹنہ میں مولانا حافظ فرمان علی صاحب سے درس لیا ۔
1322 ھ میں سلطان المدارس لکھنو آگئے۔ معالم ، شرائع ، شرح لمعہ ، سلم العلوم نہج البلاغہ و غیرہ مولانا ظہور حسین صاحب ، مولانا ناصر حسین صاحب ، مفتی سید محمد علی صاحب اور اپنے برادر نسبتی مولانا عابد حسین صاحب سے درس لیا ۔
1334 ھ میں اجازہ لے کر تبلیغ کے شوق میں نکلے ۔ آل انڈیا شیعہ گزٹ کے مدیر ہوئے ۔
زیارات ایران و عراق کو تشریف لے گئے ۔
مولانا مقبول احمد صاحب کے ساتھ رام پور میں رہ کر مولوی فاضل کا نصاب پورا کیا ۔
مجلسیں پڑھتے تھے اور مختلف مضامین تحریر کئے ۔
1336ھ دہلی میں اخبار شیعہ اثنا عشری کے مدیر ہوئے ۔
1340 ھ میں وطن واپس آئے ۔ کچھ مدت افریقہ چلے گئے ۔ اور وہاں تبلیغ فرمائی ۔ بھاؤنگر کھاٹیاوار میں امام جمعہ و جماعت رہے ۔
محرم 1378 ھ میں رحلت ہوئی ۔
اولاد
مولوی سید خلیل عباس (صدرالافاضل مبلغ افریقہ )
.png)
