Maulana Mirza Mohammed Athar

مولانا مرزا محمد اطہر صاحب مولانا مرزا طاہر صاحب کے فرزند، لکھنؤ میں 18 شوال 1355 ھ میں پیدا ہوئے اور وہیں انہوں نے دینی اور دنیوی تعلیم حاصل کی، انھوں نے لکھنؤ کی معروف دینی درسگاہ سلطان المدارس سے صدرالافاضل کیا اور فارسی میں بھی انہوں نے ایم اے کی ڈگری حاصل کی۔

انھیں عربی اور فارسی ادب اور دینیات پر مہارت حاصل تھی۔ وہ لکھنؤ کے شیعہ پی جی کالج میں برسوں تک فارسی ادب کی تدریس میں مشغول رہے ہیں ۔

مولانا مرزا محمد اطہر نے دنیا کےگوشہ و کنار میں اپنی بے مثال خطابت سے علوم محمد وال محمد علیھم السلام نشر کرنے میں اپنی زندگی بسر کی مگر ممبئی کی مغل مسجد میں اٹھّاون برس تک بلا وقفہ عشرہ محرم کی مجالس کو خطاب کیا جو کسی بھی خطیب کے لئے ایک غیر معمولی کارنامہ ہے۔

مولانا مرزا محمد اطہر نے شیعہ پرسنل لاء بورڈ کی بھی بنیاد ڈالی اور آخری عمر تک اس کے صدر رہے۔

آپ کی وفات 20 جمادی الاول 1437 کو ہوئی اور مولانا مرحوم کو لکھنؤ میں سپرد خاک کیا گیا ۔

وہ اپنی بے مثال خطابت کی بنا پر خطیب اکبر کے نام سے معروف تھے ان کی رحلت سے برصغیر کے مسلمان عوام، ایک عظیم خطیب سے محروم ہوگئے ہیں ۔