مولانا شیخ فیاض حسین ابن محمد ابراہیم صاحب ، محلہ پورہ صوفی قصبہ مبارک پور ضلع اعظم گڑھ کے رہنے والے تھے ۔ اپنے وطن میں حدود 1327ھ میں پیدا ہوئے ۔ وطن میں ابتدائی تعلیم کے بعد جامع العلوم جوادیہ بنارس میں داخل ہوئے جہاں فخر الافاضل کی سند حاصل کی ۔ پھر مدرسہ الواعظین لکھنو کے کورس کی تکمیل کر کے واعظ ہوئے ۔ عرصہ تک رسالہ الواعظ کے مدیر بھی رہے ۔ مدرسۃ الواعظین کی طرف سے مختلف مقامات کے تبلیغی دورے کئے ۔
کاٹھیاوار گجرات ، لال پور ، جام نگر و غیرہ میں دس سال سے زیادہ عرصہ تک تبلیغی خدمات انجام دیئے ۔ مسقط عمان میں مجلسیں پڑھنے کے لئے مدعو کئے جاتے تھے ان سب مشغولیتوں کے ساتھ ساتھ مدرسہ باب العلم مبارکپور میں تدریس بھی فرماتے تھے ۔
تصانیف
تاریخ و عقائد شیعہ امامیہ
صاحب الامر عج
نغمہ و فغاں (مرثیہ و قصائد کا مجموعہ )
تینوں کتابیں اردو میں ہیں اور مطبوعہ ہیں ۔
اولاد
پانچ لڑکے اور چار لڑکیاں یادگار چھوڑیں ۔
وفات
26 جمادی الاولی 1394 ھ کو 65 سال کی عمر میں انتقال فرمایا اور مبارک پور کے قبرستان شاہ پنجہ میں سپر خاک ہوئے ۔
.png)
