مولانا سید رسول احمد گوپالپوری ابن سید حسین احمد ابن سید لیاقت حسین کا وطن گوپالپور بہار میں تھا۔ آپ سنہ 1321 ھ میں پیدا پوئے ۔ ابتدائی تعلیم وطن میں حاصل کرنے کے بعد مولانا سید راحت حسین صاحب قبلہ گوپالپوری کی سرپرستی میں حسین آباد (ضلع مونگیر) میں تحصیل کرتے تھے ۔ پھر مدرسہ سلیمانیہ پٹنہ سے پٹنہ بورڈ کا مولوی کا امتحان پاس کرکے وہیں مدرس ہوگئے ۔ اور وہیں کام کرتے ہوئے پرائویٹ امیدوار کی حیثیت عالم اور فاضل کے امتحانات پاس کئے ۔
مدرسہ مذکورہ میں سنہ 1364 ھ تک کام کیا ۔ پھر مدرسہ ناظمیہ میں مدرس ہوگئے جہاں سنہ 1380 ھ تک قیام رہا ۔ اس کے بعد 10 سال تک گجرات میں مہوا اور بھاؤنگر کی خوجہ جماعتوں میں بطور عالم دین رہے۔
سنہ 1390 ھ میں حج و زیارت سے مشرف ہوئے ۔ اس کے بعد دوبارہ مدرسہ ناظمیہ میں آگئے ۔ جہاں آخر عمر تک مدرس رہے ۔
پٹنہ اور لکھنو میں آپ کے تلامذہ کا احصاء کرنا بہت دشوار ہے ۔
فقہ میں ایک کتاب گجراتی زبان میں (مطبوعہ ) آپ کی یادگار ہے ۔
سنہ 1399 ھ میں جب مرض کی شدت میں اضافہ ہوا تو وطن آگئے اور یہیں 14 محرم الحرام کو انتقال فرماگئے ۔ رئیس المبلغین علامہ رضوی رہ نے نماز جنازہ پڑھائی اور مجلس چہلم خطاب فرمایا ۔