براہ کرم پہلے مطلوبہ لفظ درج کریں
سرچ
کی طرف سے تلاش کریں :
علماء کا نام
حوزات علمیہ
خبریں
ویڈیو
15 شَوّال 1445
ulamaehin.in website logo
ضیاء الملة سید وصی محمد نجفی ره

آیت الله سید وصی محمد نجفی ره

Ayatullah Syed Wasi Mohammad Najafi

ولادت
1328 ه.ق
فیض آباد
وفات
6 شوال 1406 ه.ق
بنارس
والد کا نام : سید علی محمد
تدفین کی جگہ : فیض آباد
شیئر کریں
ترمیم
کامنٹ
سوانح حیات
علمی اور تبلیغی خدمات
اخلاق حسنہ
وفات
تصاویر

سوانح حیات

مولانا سید وصی محمد صاحب سنہ 1328 ھ میں شہر فیض آباد میں متولد ہوئے آپ کے والد ماجد مولوی سید علی محمد صاحب مولانا سید ضیاء اللہ کے فرزند تھے بڑے ہی عبادت گزار اور بڑے ہی حلیم و بردبار تھے ۔ مولانا وصی محمد صاحب نے ابتدائی تعلیم وثیقہ اسکول فیض آباد میں حاصل کی پھر اپنے بڑے  بھائی مولوی سید نجم الحسن صاحب کے پاس بدایوں تشریف لے گئے ۔

بھائی نے آپ کو سید المدارس (امروہہ ) میں داخل کردیا جہاں مولانا سید محمد امروہوی مدرس اعلی تھے مولانا امروہہ سے واپس آکر دوبارہ وثیقہ اسکول میں داخل ہوئے اور عربک اینڈ پرشین ایکزامینیشن بورڈ یو پی (الہ آباد) کے امتحانات پاس کرکے سلطان المدارس میں داخل ہوئے ۔ جامعہ سلطانیہ سے فارغ ہو کر آپ عراق تشریف لے گئے ۔ اور تین برس تک تحصیل کے بعد اجازات لے کر واپس آئے ۔

مزید دیکھیں

علمی اور تبلیغی خدمات

ایک عرصہ تک بدایوں میں امام جمعہ و جماعت کی حیثیت سے مقیم رہے ۔ اس کے  بعد غازی پور میں چند سال امام جمعہ و جماعت کی حیثیت سے گزارے ۔ یہاں تک کے مولانا ظفر الحسن صاحب نے ان کو جوادیہ عربی کالج میں بحیثیت مدرس بلا لیا ۔ اور کچھ ماہ کے لئے مولانا ظفر الحسن صاحب مدرسہ ناصریہ (جونپور) کے پرنسپل ہو گئے ۔ جب سرکار ظفرالملۃ بنارس واپس آئے تو مولانا وصی محمد صاحب ناصریہ کے پرنسپل ہوگئے ۔

جب مولانا سعادت حسین خان (جو سالہائے سال تک وثیقہ اسکول فیض آباد کے پرنسپل رہے ) فیض آباد سے لکھنو منتقل ہوگئے تو مولانا وصی محمد صاحب ان کی جگہ پرنسپل مقرر ہوگئے ۔ اب وہ وطن میں رہ کر درس و تدریس کے مشاغل میں لگ گئے ۔ اور مختلف قسم کے دینی خدمات اور شرعی ذمہ داریوں کی ادائے گی میں منہمک ہوگئے ۔ اپنے قیام کے دوران فیض آباد کی ایک قدیم اور نہایت ہی مقبول (کمرخ کی ) درگاہ کی از سر نو تعمیر کرائی ۔ اور حضرت ابوالفضل العباس علیہ السلام کا نہایت ہی خوبصورت روضہ بنوایا ۔

جب آپ وثیقہ اسکول سے ریٹائر ہوئے تو مولانا سید ابن حسن نونہروی نے آپ کو مدرسۃ الواعظین لکھنو میں وایس پرنسپل کی حیثیت سے بلوالیا ۔ اور علامہ نونہروی کے انتقال کے بعد وہ 1980 میں اس کے پرنسپل مقرر کردئیے گئے ۔

مزید دیکھیں

اخلاق حسنہ

علم کے ساتھ حلم صخاوت ، بے حد ایثار، علم میں لا جواب ، ذاکری میں بے مثل ، بیانات نہایت علمی و دقیق ، سادگی تقوی، ورع، صلہ رحم ، حکمت ، تدبر ، شاعری ، حاضر جوابی ، حسن سماعت ، اور با ذوق ادبیت ایسا معلوم ہوتا تھا یہ صفات آپ ہی کے لئے وضع کئے گئے ہیں ۔

انکسار اور تواضع کی تصویر اس واقعہ سے ظاہر ہوتی ہے کہ فیض آباد میں ایک جگہ سالانہ مجلس تھی ۔ بانیان مجلس میں سے ایک بھائی نے سرکار ضیاء الملۃ سے ذاکری کا وعدہ لیا اور دوسرے بھائی نے ایک دوسرے صاحب سے وعدہ لے لیا ۔ سرکار ضیاء الملۃ ذاکری فرما رہے تھے کے دوسرے صاحب تشریف لے آئے اور بھرے مجمع میں کھڑے ہوکر فرمایا : جناب اس مجلس کا مجھ سے وعدہ ہوا ہے ۔ جناب نے جیسے ہی سنا فوراً منبر سے اتر آئے اور خود ہی فرمایا بسم اللہ ۔ آپ مجلس پڑھیں ۔ وہ صاحب منبر پر شرکت لئے گئے اور پوری مجلس پڑھی اور جناب مرحوم پوری مجلس زیر منبر بیٹھے رہے اور کسی سے کوئی شکایت بھی نہیں کی حالانکہ دوسرے ذاکر عامی تھے ۔

مزید دیکھیں

وفات

تقریبا مولانا ۲ سال تک بیماری کی حالت میں بمبئی فیض آباد اور بنارس کے ڈاکٹروں اور میڈیکل کالجوں میں زیر علاج رہے ۔ مئی 1985 میں مولانا گرپڑے اور ان کی بصارت بھی جاتی رہی ۔ آخر بنارس میں (14 جون 1986 ) 6 شوال 1406 ھ یوم شنبہ ساڑھے پانچ بجے شام کو یہ آفتاب علم و عمل غروب ہوگیا ۔ لاش فیض آباد لے جائی گئی اور 15 جون کو سپر لحد کردیا گیا ۔

مزید دیکھیں
تصاویر
سید وصی محمد نجفی ره
.
سید وصی محمد نجفی ره
سید وصی محمد نجفی ره
.
5ڈاؤن لوڈز
زوم
ڈاؤن لوڈ
شیئر کریں
سید وصی محمد نجفی ره سید وصی محمد نجفی ره سید وصی محمد نجفی ره
دیگر علما
کامنٹ
اپنا کامنٹ نیچے باکس میں لکھیں
بھیجیں
نئے اخبار سے جلد مطلع ہونے کے لئے یہاں ممبر بنیں
سینڈ
براہ کرم پہلے اپنا ای میل درج کریں
ایک درست ای میل درج کریں
ای میل رجسٹر کرنے میں خرابی!
آپ کا ای میل پہلے ہی رجسٹر ہو چکا ہے!
آپ کا ای میل کامیابی کے ساتھ محفوظ ہو گیا ہے
ulamaehin.in website logo
ULAMAEHIND
علماۓ ہند ویب سائٹ، جو ادارہ مہدی مشن (MAHDI MISSION) کی فعالیتوں میں سے ایک ہے، علماۓ کرام کی تصاویر اور ویڈیوز کو پیش کرتے ہوۓ، ان حضرات کی خدمات کو متعارف کرواتی ہے۔ نیز، اس سائٹ کا ایک حصہ ہندوستانی مدارس اور کتب خانوں، علماء کی قبور کو متعارف کروانے سے مخصوص ہے۔
Copy Rights 2024