مولانا سید حفاظت حسین صاحب سید محمد ابراہیم صاحب کے صاحبزادے تھے جہ اپنے والد کی وفات کے تین مہینہ بعد ۶ شعبان 1315 ھ کو پیدا ہوئے ۔ آپ ابوالخلیل مولانا سید راحت حسین کے چھوٹے بھائی اور علامہ رضوی کی نانی صاحبہ مرحومہ کے حقیقی خالہ زاد بھائی تھے ۔ آپ کے عنفوان جوانی میں آپ کی والدہ معظمہ اپنے بہنوئی مولانا سید محمد مہدی صاحب لواعج الاحزان کے ساتھ زیارت عتبات عالیات کے لئے تشریف لے گئی تھیں اور واپسی کے دوران مشہد مقدس میں وفات پائی اور روضہ مبارک کے صحن میں مدفون ہوئیں۔
وطن میں ابتدائی تعلیم کے بعد مدرسہ ایمانیہ مطفرپور میں داخل ہوئے ۔ اس کے بعد کئی سال تک مدرسہ سلیمانیہ پٹنہ میں رہے۔ پھر سلطان المدارس لکھنو تشریف لے گئے جہاں سے صدرالافاضل کیا۔ اسی دوران علم طب بھی حاصل کیا ۔ بورڈ کے امتحانات دئے پھر کانپور اور رام پور سے ہوتے ہوئے پنجاب پہنچے اور مولوی فاضل کی سند حاصل کیا ۔ دعب کے دور میں پٹنہ یونیورسیٹی سے بی ۔ اے کے اردو ادب کا امتحان دیا۔
1920 سے 1952 تک بہار کے مختلف ضلع ہائی اسکول میں پیدا ہیڈ مولوی کے عہدے پر فایز رہے۔ آپ کی آخری پوسٹنگ مظفر پور کے ضلع اسکول میں تھی ۔ آپ پٹنہ یونیورسیٹی کے بورڈ آف اسٹدیز ان عربک کے ممبر بھی تھے ۔
مظفر پور کی جامع مسجد محلہ کمرہ میں آپ پیش نماز رہے ، آپ بہترین معلم اور با عمل عالم ہونے کے ساتھ ساتھ اعلی پایہ کے ذاکر بھی تھے ۔ نہایت خلیق، منکسرالمزاج اور خود دار انسان تھے ۔ وقت کے قدرداں تھے اور ضروری مشغولیات کے بعد اپنا سارا وقت مطالعہ اور تصنیف میں صرف کرتے تھے ۔
آپ کے صاحبزادع سید آل ابراہیم صاحب کی تحریر کے مطابق آپ نے 80 کتابیں لکھیں ۔ ان میں بہت سی اسکول درسی کتابیں تھیں۔ علمی کتابوں میں چھ شائع ہوئیں ، بارہ مخطوطات ان کے صاحبزادے کے پاس ہیں۔ باقی تو ضایع ہوگئیں یا ان کا پتہ نہیں چلتا ۔
اور قصیدوں اور نوحوں کے مختلف مجموعے
5 شعبان 1384 کو وطن بھیک پور میں انتقال فرمایا ۔
.png)
